Një burrë indonezian 36 vjeç është dënuar me burgim të përjetshëm për dhunimin e 136 burrave në Mbretërinë e Bashkuar. Drejtësia britanike e ka cilësuar atë si “abuzuesin më të madh seksual” në historinë e Mbretërisë së Bashkuar.
Reynhard Sinaga frekuentonte klubet e natës, ku drogonte dhe më pas dhunonte viktimat në shtëpinë e tij në Manchester për të paktën dy vite midis 2015 dhe 2017. Policia ka gjetur të filmuara sulmet e tij seksuale në dy telefonat të cilat ai i xhironte.
Gjyqi kishte 48 viktima të cilat kishin denoncuar, ndërsa më shumë se 70 njerëz ende nuk janë identifikuar nga policia. Sipas autoriteteve, numri i përgjithshëm i viktimave mund të ishte rreth 200.
Studenti i gjeografisë iu afrohej viktimave të tij, të rinj të dehur, në klubet e natës në qendër të Manchester, disa minuta larg shtëpisë së tij. Ai i joshte duke i ftuar në shtëpi dhe me pas iu jepte qetësues , para se t’i përdhunonte kur ishin pa vetëdije.
Gjatë gjyqit, Reynhard Sinaga, pohoi se viktimat donin të flinin për të realizuar një fantazi seksuale. Kjo ishte një mbrojtje e cilësuar si qesharake nga ana e trupit gjykues.
Ndërkohë që gjykatësja Suzanne Goddard, ka marrë vendimin për 36 vjeçarin është shprehur se një prej viktimave e ka përshkruar atë si një përbindësh.
“Shkalla dhe shtrirja e krimeve tuaja konfirmojnë një përshkrim të tillë.”, -shtoi gjykatësja./Fjala.al
Burimi:20 Minutes
