Presidenti amerikan ka paralajmëruar Iranin se do të shkatërrojë vendet e tij kulturore.
Nëse kryhet kërcënimi i Donald Trump për të sulmuar “vendet kulturore” në Iran,kjo do e vendoste atë në një linjë me shkatërruesit e arkitekturës siç janë Talebanët dhe Isis, të cilët kanë shkaktuar forma të ngjashme shkatërrimi këtë shekull. Talebanët në vitin 2001, i vendosën dinamitin monumenteve budiste të shekullit të 9-të në Afganistan. Isis ka shkatërruar xhamitë, faltoret dhe strukturat e tjera në Irak dhe Siri që nga viti 2014.
A e di Trump se çfarë do humbiste kultura? Ndoshta jo – dhe ai nuk është i vetmi që nuk e di. Arsyeja që vendi është vizituar rrallë nga turistët perëndimorë nuk është për shkak të mungesës së atraksioneve turistike.
Me një civilizim që daton deri në 5000 vjet, dhe me mbi 20 vende të trashëgimisë botërore të Unesco-s, trashëgimia kulturore e Iranit është e pasur dhe unike, veçanërisht arkitektura e saj fetare, e cila shfaq një mjeshtëri të gjeometrisë, modelit abstrakt dhe inxhinierisë parafabrikate praktikisht e pashembullt në civilizim. Kjo nuk është vetëm trashëgimi kulturore e Iranit, ajo është e gjithë njerëzimit.
Persepolis
Një xhevahir në kurorën arkeologjike të Iranit: një kompleks monumental që daton nga shekulli i gjashtë para Krishtit që ishte krijuar për të bërë përshtypje – me një tarracë të gjerë të ngritur, shkallët e mëdha dhe pallatet e mermerit. Ky qytet është vizituar nga shmë njerëz, duke përfshirë edhe Aleksandrin e Madh.
Katedralja “Vank”
Tre nga kishat më të vjetra në rajon janë vendet e trashëgimisë botërore të Unesco. Katedralja Vank, në afërsi të Iranit, u ndërtua nga armenët që u larguan nga luftërat otomane në shekullin e 17-të. Brendësia është një copë e çuditshme e afreskeve dhe gdhendjeve të praruara.
Urat e “Isfahan-it”
Vizitorët perëndimorë u çuditën me bukurinë dhe sofistikimin e urave të gjata, të mbuluara të ish kryeqytetit të Iranit, të ndërtuara kryesisht gjatë shekullit të 17-të./Fjala.al/Përshtati:Kamela Liko/Burimi:The Guardian
Atraksione të tjera:
