Një ngjarje e rëndë është shënuar mbrëmjen e djeshme në Tepelenë. Një konflikt në familje për pak sa nuk ka përfunduar në një tragjedi të pashoqe, ku i biri ka sulmuar me thikë të atin e vet.
Policia ka ndërhyrë pas marrjes së një sinjali nga familjarët . sipas të dhënave zyrtare që kanë ardhur nga policia e Gjirokastrës është mësuar se: Një i ri nga Tepelena sulmon të atin me thikën e bukës.
Ngjarja ka ndodhur para pak minutash në Tepelenë në lagjen “Demokracia”, ku Klaudio Baca, në konflikt e sipër pas një përplasje verbale me të atin, ka rrëmbyer thikën e bukës dhe e ka sulmuar!
Për pasojë, i ati i tij, Luan Baca ka ngelur i plagosur në pjesën e dorës së majtë. Ai është shmangur nga goditja frontale që do t’i kushtonte atij ndoshta edhe jetën. Menjëherë forcat e policisë së Tepelenës kanë shkuar në vendngjarje duke e izoluar dhe më pas arrestuar agresorin.
Nga dëshmia që ka dhënë gjatë orëve të natës në komisariat i riu ka akuzuar të atin për shkaqe familjare. Ai ka mbetur në pranga dhe ditën e nesërme pritet të dalë para gjykatës me akuzën e plagosjes dhe dhunës në familje. Fjala.al/
