Është jashtëzakonisht mizore, por më shumë se 10 mijë deve do të vriten duke u qëlluar nga helikopterët për të parandaluar ato që të pinë shumë ujë në vendin e tharë të Australisë jugore.
Asnjë shpjegim, si për-shembull shqetësimet për emetimin e gazrave serë, nuk do justifikonte vrasjen e këtyre gjallesave kaq paqësore. Sipas shpjegimeve këto kafshë emitojnë metan që është i barabartë me një ton dioksid karboni për një vit.
Banorët lokalë janë ankuar se kafshët janë futur nëpër komunitete dhe kanë bërë kërdi duke u munduar të gjenin resurse uji.
“Ne jemi mbërthyer nga i nxehti i padurueshëm dhe kushtet e pafavorshme, sepse devetë po futen brenda dhe po i thyejnë gardhet, po sillen poshtë e përpjetë shtëpive duke u munduar të gjejnë ujë nëpër kondicionerë ajri,” tha Marita Baker, anëtare e bordit ekzekutiv të APY-së.
Gjitashtu devetë kanë shkaktuar dëme të mëdha në infrastrukturë, duke rrezikuar jetën e komunitetit.
Këto janë pasojat e ngrohjes globale, të cilat po detyrojnë njerëzit të shkatërrojnë ekosistemin e kafshëve me shpjegime idiote shkencore. Për ironi të fatit nuk janë kafshët ato që kanë shkaktuar ngrohjen globale./Fjala.al
