Ndryshimet klimatike po kontribuojnë në një rritje të goditjeve në tru

113 563 lexime

124,178FansaPëlqeje

Ndryshimi i shpejtë i kushteve të motit, si dhe çekuilibri i temperaturave globale, për shkak të ndryshimeve klimatike, kanë një ndikim të rëndësishëm në shëndetin e njerëzve në çdo cep të planetit. Një studim i ri tregon se numri i vdekjeve dhe aftësive të kufizuara të lidhura me goditjet në tru të lidhura me temperaturat ekstreme është rritur që nga viti 1990.

Hulumtimi i publikuar në revistën “Neurology” të Akademisë Amerikane të Neurologjisë, nuk ka vërtetuar se ndryshimi i klimës është i vetmi parametër që shkakton goditje në tru, por konkludon një korrelacion mes tyre dhe temperaturave ekstreme të regjistruara në nivel global. Më konkretisht, studiuesit nga Spitali Xiangya i Universitetit Qendror të Jugut në Changsha, Kinë, analizuan të dhënat nga më shumë se 200 vende që përfshijnë më shumë se tre dekada dhe zbuluan se temperaturat më të larta dhe më të ulëta se normalja shoqërohen me vdekje dhe paaftësi për shkak të goditjeve në tru.

Sipas studiuesve, pjesa më e madhe e goditjeve ishin për shkak të temperaturave më të ulëta se normale, ndërsa sigurisht që kishte një rritje të goditjeve kur temperaturat ishin më të larta se normalja.

Rezultatet, megjithatë, treguan se Azia Qendrore dhe Afrika kishin përqindjen më të lartë të vdekjeve nga goditjet e lidhura me ndryshimin e klimës.

Dr. Quan Cheng, neurokirurg në Spitalin Xiangya dhe një nga autorët e studimit, theksoi se “ndryshimet dramatike të temperaturës të regjistruara vitet e fundit kanë ndikuar në shëndetin e njeriut dhe kanë shkaktuar shqetësim të madh. Studimi ynë tregoi se ndryshime të tilla të mëdha në temperaturë mund të rrisin goditjet në tru në mbarë botën, veçanërisht në popullatat e moshuara dhe në zonat me pabarazi më të mëdha të kujdesit shëndetësor”./E.Ç

Të fundit

Lehtësohen kriteret e kredisë konsumatore, por çfarë ndodh ndaj banesave

Kriteret e kredisë për individët ishin të copëzuara gjatë këtij tremujori, me një lehtësim të tyre për kreditë konsumatore...

Presidencialet, Biden bën kërkesën e pazakontë ndaj Trump para debatit

Ish-presidenti amerikan, Donald Trump, tha se do të debatojë me kreun e Shtëpisë së Bardhë, Joe Biden, por me kushtin që ai të testohet...

Veliaj në Japoni, pritet nga kryetarja e Bashkisë së Tokios

Gjatë vizitës së tij në Japoni, kryebashkiaku i Tiranës, Erion Veliaj është pritur në takim nga kryetarja e Bashkisë së Tokios, Yuriko Koike. Teksa...

“Paraqitu vetë”! Juli “harron” lojën, tremb Eglën, aktorja shpërthen në ulërima

Na ndajnë vetëm pak orë nga gjysëm finalja e Big Brother Vip Albania ku do të mësohen dhe sa banorë do ta prekin magjinë...

U fut për t’u larë në ujërat e Liqenit Artificial, i riu polak përfundon në spital

Një 25-vjeçar nga Polonia është futur ditën e sotme në Liqenin Artificial të Tiranës dhe dyshohet se ka rrezikuar të mbytet. Mësohet se i riu...

Lajme të tjera

Web TV