Portieri gjerman, Manuel Neuer mund të quhet me plotë gojë një legjendë e gjallë në botën e futbollit.
Të diskutosh pozicionin e tij si titullar në Kombëtaren e Futbollit të Gjermanisë dhe te klubi i Bayern Munchin, mund të quhet qesharake ose “sakrilegj” siç ka thënë dhe vetë lojtari.
Në vitin që sapo u mbyll u aludua për vendosjen në formacionin e Gjermanisë të Ter Stegen dhe po e njëjta çështje është duke u diskutuar tashmë për klubin bavarez, por këtë radhë bëhet fjalë për emrin e portierit të Shalke, Alexander Nubel.
Munchin ka siguruar një kontratë për të marrë shërbimet e Nubel në sezonin e ardhshëm. Ardhja e 23-vjeçarit te Bayern sezonin tjetër mund të sillte ndryshime të theksuara në hierarkinë e portës së kampionëve të Bundesligës.
Kjo gjë nuk mund të durohet nga Neuer, i cili ndonëse nuk ka bërë deklarata të hapura ka dërguar mesazhe deri diku kërcënuese.
“Fakti që Nubel ka firmosur me Bayern nuk ndikon aspak në rinovimin e kontratës. Sigurisht, kërkesat i bëj unë dhe kam disa gjëra në mëndje”,-ka thënë Neuer, duke lënë të kuptohet se do të kërkojë të marrë me dokument rolin e titullarit në të ardhmen./Fjala.al/
