test

Rusët publikojnë audio-përgjimin: Gjermania po përgatit sulm me raketa

113 563 lexime

124,178FansaPëlqeje

Autoritetet gjermane po hetojnë rrjedhjen e një regjistrimi audio në të cilin oficerët ushtarakë gjermanë dyshohet se diskutonin mbështetjen për Ukrainën, duke përfshirë përdorimin e mundshëm të raketave Taurus.

Kancelari Olaf Scholz e quajti atë një “çështje shumë serioze” pasi audio u publikua në Rusi nga media shtetërore “Russia Today”, duke shtuar se qeveria gjermane po punonte për të sqaruar incidentin “me shumë kujdes, shumë intensivisht dhe shumë shpejt”, njoftoi agjencia e lajmeve “Reuters”.

Gjatë bisedës së regjistruar, zyrtarët ushtarakë thuhet se diskutuan gjithashtu objektiva të mundshëm, duke përfshirë Urën e Kerçit që lidh Rusinë dhe Krimenë e pushtuar.

Shërbimi Ushtarak i Kundërzbulimit të Gjermanisë ka nisur një hetim për të zbuluar “nëse komunikimet e brendshme brenda forcave ajrore” mund të ishin përgjuar, tha ministria gjermane e mbrojtjes. Berlini ka hezituar të furnizojë Kievin me raketa të fuqishme, një çështje kjo që po copëton koalicionin qeveritar të vendit.

Ministri i Jashtëm rus Sergei Lavrov e quajti ‘një vetekspozim flagrant’ regjistrimin audio të publikuar në mediat ruse. Duke folur për gazetarin në Antalia të Turqisë, Lavrov foli për “planet dinake të (forcave të armatosura gjermane), të cilat u bënë të dukshme për shkak të publikimit të këtij regjistrimi audio.

Një zëdhënës i ministrisë gjermane të mbrojtjes tha se nuk mund të konfirmonte vërtetësinë e regjistrimit, por Zyra Federale për Shërbimin Ushtarak të Kundërzbulimit po heton çështjen dhe do të ndërmerren të gjithë hapat e nevojshëm./O.S

Të fundit

Shqipëria e nis me humbje aventurën EURO2024, goli i Bajrami hyn në histori të turneut

Shqipëria e nisi me humbje rrugëtimin e saj në Euro 2024, pasi u mposht me rezultatin 2-1 nga kampionia...

De La Fuente: Jam shumë i lumtur, por të qëndrojmë me këmbë në tokë

Shumë i lumtur u shfaq tekniku i kombëtares spanjolle Luis de la Fuente, pas fitores bindëse 3-0 që skuadra e tij arriti me Kroacinë. “Jam...

Scholz: Propozimi i Putinit për paqe nuk është serioz

“Liderët e G7 nuk e diskutuan fare propozimin e presidentit rus, Vladimir Putin, për paqe në Ukrainë, sepse të gjithë e dinin se propozimi...

Italia përmbys ndeshjen, realizon Barella ndaj kuqezinjve

Shqipëria 1-2 Italia Pritjes i erdhi fundi, Shqipëria rikthehet të luajë në Europian pas 8 vitesh mungesë. Kuqezinjtë do të sfidojnë Italinë në Dortmund, në...

Gol kuqezinjtë, Shqipëria ndëshkon Italinë në sekondat e para

Shqipëria 1-0 Italia Pritjes i erdhi fundi, Shqipëria rikthehet të luajë në Europian pas 8 vitesh mungesë. Kuqezinjtë do të sfidojnë Italinë në Dortmund, në...

Lajme të tjera

Web TV