Nga data 9 deri më 12 janar, artdashësit kryeqytetas do të kenë mundësinë të ndjekin në skenën e ArTurbinës, një nga veprat më të mëdha të shkrimtarit rus, Nikolaj Gogol.
Aktorët Suela Bako, Mimoza Marjanaku, Marvin Tafaj do të sjellin në jetë personazhet për të mos u humbur në komedinë “Revizori” një nga veprat më të mëdha të Nikolaj Gogol dhe me regji të Driada Dervishit.
Gjithashtu në skenë ngjiten aktorët: Gentian Zeneli, Amos Zaharia, Adelina Muça, Xhejni Fama, Kastriot Shehi, Gjergj Doçi, Jaho Guma dhe Erjon Hodo.
Një revizor që shkon për të inspektuar në një qytet me administratë të korruptuar, me funksionarë të lartë të dalë në përgjime, me njerëz të futur më burg pas protestave.
Kryebashkiaku i një qyteze ruse mbledh zyrtarët e tij dhe i rrëfen se ka marrë një letër nga një shok, që i thotë se revizori po udhëton provincë më provincë dhe po e bën fshehurazi. Gjykatësi, inspektori i shkollave, mjeku, kujdestari i bamirësive dhe drejtori i postës janë të gjithë të stresuar se ryshfetet, mënyrat e shkurtra dhe shkeljet e detyrës mund të dalin në pah, kështu që vendosin t’i fshehin sa më shpejt të jetë e mundur.
Kjo është dhe një nga kryeveprat e letërsisë botërore shkruar nga Nikolaj Gogol.
