Presidenti i Shteteve të Bashkuara të Amerikës Donald Trump, pas vrasjes së gjeneralit iranian e ka vendosur botën në gjendje alarmi.
Donald Trump është duke bërë atë që dikur vetë presidenti amerikan e kundërshtonte me forcë. Madje ai akuzonte në vitin 2013 presidentin Barack Obama se po e çonte botën drejt luftës së Tretë Botërore.
Sulmi i sotëm iranian ndaj bazave amerikane në Irak ishte një formë hakmarrjeje e Teheranit. Kjo ka përshkallëzuar edhe më tej tensionet midis vendeve, duke rritur alarmin në shumë vende të botës.
Ky sulm erdhi një javë pasi SHBA eliminoi me dron gjeneralin iranian Qasem Soleimani.
Por, ndryshe nga ç’deklaron në ditët e sotme, Donald Trump dikur akuzonte Barak Obamën se po e çonte botën drejt një Lufte të Tretë Botërore.
“Bëhuni gati, lidershipi ynë i tmerrshëm mund të na çojë drejt një Lufte të Tretë Botërore”, shkruante në 2013-n, në tëitterin e tij, Donald Trump.
Be prepared, there is a small chance that our horrendous leadership could unknowingly lead us into World War III.
— Donald J. Trump (@realDonaldTrump) August 31, 2013
Sipas Trumpit të dikurshëm, konkretisht më 2011, Obama ka qëllim të fillojë luftën me Iranin vetëm e vetëm për t’u rizgjedhur president.
In order to get elected, @BarackObama will start a war with Iran.
— Donald J. Trump (@realDonaldTrump) November 29, 2011
Zgjedhjet e ardhshme të Shteteve të Bashkuara të Amerikës, janë më pak një vit larg. Duket se Trump ka menduar të përdorë strategjinë që sipas tij synonte Obama, në mënyrë që të rizgjidhet president më nëntor të 2020-s./Fjala.al/
