Ish lojtari i Barcelonës, Andres Iniesta ka zbuluar dëshirën e tij për t’u bërë trajner dhe për t’u rikthyer te katalanasit.
Ai u larguar nga Barcelona pas plot 22 vitesh aktivizime te klubi spanjoll në verën e vitit 2018, pasi kaloi në skuadrën e J-League të Japonisë, Vissel Kobe.
Spanjolli mori pafund medalje në Barcelonë si dhe numëron nëntë tituj të La Ligës e katër trofe në Ligën e Kampionëve.
Suksesi i marrë në Camp Nou kanë bërë që Iniesta të shprehë dëshirën e rikthimit të Barça në të ardhme, por në këtë rast jo më si lojtar po në rolin e trajnerit.
“Dua të kthehem te Barcelona në një moment të jetës sime, por ato janë hipoteza. Tani ndjehem akoma si një futbollist. Më kanë mbetur dy vjet nga kontrata ime dhe nuk e di nëse do të kem forcë të vazhdoj. Pas kësaj do të dëshiroja të jem trajner”, -është shprehur lojtari në një intervistë për Marca.
Duket se spanjolli është afër përfundimit të marrëveshjes së tij me klubin japonez dhe së fundmi është diskutuar për një kalim të ish-lojtarit të Barcelonës te klubi i Estudiantes./Fjala.al/
