Balluku në Abu Dhabi “çudit” arabët me pasuritë e Shqipërisë

113 563 lexime

124,178FansaPëlqeje

Ministrja Balluku merr pjesë në Forumin Global të Energjisë, organizuar nga Atlantic Council. Një nga eventet më të rëndësishme botërore për energjinë, është tashmë prej vitesh Forumi Global i organizuar nga Atlantic Council, i cili mbledh përfaqësues të nivelit të lartë, me ndikim në politik bërje dhe vendimmarrje. Ky forum synon shkëmbimin e eksperiencave dhe krijimin e partneriteteve të reja në fushën energjetike, për hartimin e strategjive rajonale dhe globale si dhe ndërtimin e bazës rregullatore në sektorët e ndryshëm energjetik.

Në forumin e organizuar në Abu Dhabi të Emirateve të Bashkuara Arabe ka marrë pjesë edhe ministrja e Infrastrukturës dhe Energjisë, Belinda Balluku.

Gjatë fjalës së saj Ministrja Balluku vlerësoj rolin e rëndësishëm që Atlantic Council ka në gjenerimin e ideve të reja për zhvillim, praktikave më të mira nga mbarë bota, si dhe mbështetjen e vyer që jep për çështje të rëndësisë së veçantë si siguria energjetike dhe disiplinimi i sektorit të naftës dhe gazit. Ajo prezantoi zhvillimet e reja në fushën e hidrokarbureve dhe masat që qeveria Rama synon të marr në këtë fushë.

“Shqipëria, ndonëse një vend i vogël, ka pasuri të konsiderueshme nëntokësore, veçanërisht në naftë. Vitet e fundit disa nga emrat më të mëdhenj të industrisë operojnë në upstream, në vendin tonë dhe të tjera kanë shprehur interes. Ndërkohë përsa i përket sektorit të përpunimit dhe shpërndarjes së naftës, duke konsideruar volumin që zë në treg, si dhe sfidat unike që paraqet, qeveria shqiptare ka parashikuar dhe do të implementojë një strategji afatgjatë për disiplinimin dhe mbarëvajtjen e këtij sektori me ndikim të ndjeshëm në financat e shtetit dhe ekonominë vendase. Sistemi i ri ” Track & Trace”, bazuar mbi praktikat më të mira ndërkombëtare, do të jap zgjidhjet e munguara si dhe rezultate të ndjeshme dhe të menjëhershme”, u shpreh Balluku.

Lexo edhe :  Këmbimi valutor 11 gusht/ Dollari dhe euro lëvizin lehtë, si qëndrojnë monedhat e tjera

Ministrja Balluku, në mbyllje të fjalës së saj, referoi qëndrimin e qeverisë për zhvillimet e fundit, duke përsëritur dhe një herë se partneriteti me SHBA është vendimtar dhe jetik për Shqipërinë.

“Për ne shqiptarët është e thjeshtë, ne nuk kemi asnjë dilemë, ne qëndrojmë në krah të partnerit tonë strategjik, SHBA. Historia na ka treguar se kush janë miqtë e vendit tonë, na ka mësuar përmes vështirësive se kush ruan vlerat e demokracisë, e kush është shembull i shtetformimit, ndaj ne me mirënjohje të plotë, qëndrojmë në krah të miqve tanë. Nëse qëndrojmë të gjithë bashkë, kështu siç jemi sot, nëse kemi ide të qarta e si rrjedhojë plane të qarta për arritur objektivat tanë si: mbrojtja e demokracisë, pavarësia dhe siguria energjetike si dhe krijimi i rritjes së qëndrueshme ekonomike për të gjithë vendet tona, vetëm atëherë do të jemi të fortë mjaftueshëm për të përballuar çdo sfidë”, theksoi ministrja Balluku.

Gjatë forumit të Këshillit Atlantik, Ministrja Balluku zhvilloi një takim me Gjeneralin James Jones, ish Komandant Suprem i Forcave të NATO për Europën dhe njëkohësisht themelues i nismës “3 Seas”. Temat kryesore të diskutimit mes tyre ishin ngjarjet aktuale, siguria energjetike dhe ajo kibernetike. Gjenerali Jones i shprehu Ministres Balluku gadishmërinë për të mbështetur nismat e rëndësishme të qeverise shqiptare në fushën energjetike dhe atë të teknologjisë së komunikimit, duke vlerësuar rolin vendimtar të Shqipërisë në rajon.

 

Të fundit

Ditri Ekart dhe rrënjët ezoterike të Nazizmit: Hitler në shërbim të një vizioni okult

Përgatiti: Leonard Veizi Autori amerikan Xhimi Marrs, në veprat e tij që eksplorojnë lidhjet mes politikës dhe sekreteve okulte, e...

Dafina Zeqiri, koncert pas lindjes? Ja fotoja që ndezi dyshimet

Këngëtarja, e cila u bë nënë së fundmi, duket në formë dhe e buzëqeshur, ndërsa postimi ka ngjallur aludime se ajo mund të jetë...

E vërteta e videos që u bë virale në “Tik Tok”

Mediat sociale, veçanërisht Tik Tok, kanë publikuar masivisht këtë fundjavë pamjet e një ngjarje të pabesueshme ku shihet sesi një delfinë vret trajneren e...

Sulmi ajror izraelit vret gazetarin e Al Jazeera-s në Gaza

Një nga gazetarët më të njohur të rrjetit Al Jazeera, Anas Al Sharif, është vrarë së bashku me katër kolegë të tjerë në një...

Donald Trump kërkon që të pastrehët të largohen urgjentisht nga Washingtoni

Presidenti amerikan Donald Trump ka thënë se njerëzit e pastrehë duhet të “largohen urgjentisht” nga Washingtoni, ndërsa u zotua të luftojë krimin në qytet,...

Lajme të tjera

Web TV