Natyra do jetë gjithnjë fituese, ndaj aktivitetit njerëzor. Në zonën e reaktorit bërthamor Fukushima e cila është totalisht e braktisur, po fillon të lulëzojë jeta e egër. Më shumë se 20 lloje të ndryshme kafshësh, në zonat përreth reaktorit, përfshirë derra të egër, qen, rakunë dhe dhelpra, kanë filluar të popullojnë vendin.
Njerëzit u evakuuan nga zona përreth reaktorit në Fukushima, pas katastrofës që shkaktoi rrjedhjet e rrezatimit të bëra nga tërmeti dhe cunami i vitit 2011. Për të gjetur kafshët që jetojnë në të, janë vendosur 160 kamera, që aktivizohen me telekomandë, apo kur ndjejnë se para tyre po kalon ndonjë trup.
Rreth 260 mijë imazhe janë grumbulluar nga kamerat, në mesin e të cilave, shihen mirë më se 20 kafshë, megjithëse nuk pritej se mund të jetojnë në këtë zonë. Njohësit kanë mbetur të habitur, kur kohë më parë, ishte pretenduar se kafshët janë përshtatur me jetën në këtë zonë, derisa rrezatimi vazhdon të jetë i lartë./Fjala.al
