Ish kapiteni i kombëtares së futbollit shqiptar, Lorik Cana nuk ka marrë pjesë ditën e djeshme në ndeshjen e yjeve të Shqipërisë, Greqisë, Italisë, e Turqisë.
Ndonëse emri i tij ishte në listë dhe u përfol shumë se do të merrte pjesë në këtë ndeshje, Cana ka munguar.
Rikujtojmë se ndeshja e djeshme u organizua për të mbledhur sa më shumë para që do shkojnë për të prekurit nga tërmeti i 26 nëntorit 2019.
Cana ishte ai që drejtoi përfaqësuesen tonë në Europian në vitin 2016, ku duhet theksuar se ishte dhe një nga më të suksesshmit në historinë e futbollit shqiptar.
Duket se ish kapiteni ka pasur një arsye shumë të fortë që e ka bërë që të mos ishte pjesë e Kombëtares së yjeve. Në një shkrim të “Panorama sport” mësohet se Cana do të bëhet baba për të dytën herë dhe kjo gjë ka bërë që ish futbollisti të mos lëviz dot nga Italia.
Ai ka zgjedhur që në këtë moment kaq të rëndësishëm të jetë pranë bashkëshortes Monika./Fjala.al/
