Pamjet që shihni në këto foto janë bërë para pak minutash në vendin ku është zhvendosur terminali i gjithë mjeteve të transportit jashtë Tirane. Përveç amullisë dhe kaosit që shkaktojnë lëvizjet e autobusëve dhe të mikrobusëve të rretheve, tani aty ngadalë janë afruar edhe taksitë. Po ashtu edhe policia e qarkullimit rrugor.
Ne skajin tjetër edhe policia bashkiake e për pasojë trafiku rëndohet. Madje bëhet i padepërtueshëm. Kujtojmë që në atë rrugë veç gjithë mjeteve të mundshme të transportit që nisen për Veri dhe Jug, aty kalojnë edhe dy linjat më të populluara të Tiranës; Kamza dhe Instituti. Kështu, zona tashmë është thuajse e izoluar në këtë pjesë të Tiranës, për shkak te mbipopullimit mbi një rrugë që me vështirësi i nxjerr dy korsi për mjete autovetura dhe jo për autobusë apo urbanë.
