Pep Guardiola mund të thuhet pa frikë se është një nga trajnerët më të mirë gjatë gjithë historisë së futbollit. Mirëpo nuk mund të themi të njëjtën gjë përsa i përket drejtimit të makinave dhe rolit të tij si shofer.
Në një raportim të ”The Sun” thuhet se që nga viti 2016 e deri më tani ai ka shkatërruar një numër të madh makinash që kapin shifrën e 460 mijë paundëve.
Që në momentin që katalanasi ka marrë drejtimin e Manchesterit, ai ka ndryshuar katër makina si Mercedes GLE, Range Rover, Bentley GTX700 dhe e fundit një Mini Cooper dëmet e të cilave shkojnë në 80 mijë, 150 mijë, 200 mijë dhe 30 mijë sterlina.
Një nga autorët e biografisë së spanjollit ka thënë se 48-vjeçari ka reputacionin e një shoferi të pafat.
“Sot ai është në timonin e një Mercedesi të zi. Ai ka reputacionin e një shoferi të pafat që nga koha e Barcelonës dhe tani ka makinën e tij të katërt në Mançester. Pasqyrat e tij nuk rrojnë për një kohë të gjatë dhe ka arritur ta furnizojë një Range Rover nafte me benzinë dhe përplasur një Bentley argjendi”,- shprehen autorët e biografisë së tij të fundit Lu Martin dhe Pol Ballus.
Një tjetër burim pranë teknikut ka thënë se Guardiola është i mirë në shumë gjëra, por mesa duket timoni nuk është një ndër to.
“Pep është një perfeksionist në shumë gjëra, por timoni nuk duket një nga dhuntitë e tij”./Fjala.al/
