Spitalet shtetërore dhe private do të vihen nën hetim. Në fokus do të kontrolleve do të jenë shërbimet dhe tarifat. Autoriteti i Konkurrencës ka vendosur të verifikojë tarifat që kanë aplikuar spitalet nga 1 janari deri në 31 dhjetor të vitit 2019.
Komisioni i Konkurrencës ka vendosur për hapjen e procedurës së Hetimit të Përgjithshëm në Shërbimin Spitalor për vlerësimin e konkurrencës në shërbimin spitalor i cili përfshin shërbimin spitalor publik dhe shërbimin privat. “Hetimi ka për objekt vlerësimin e konkurrencës në treg (përcaktimin e strukturave të tregut, kryerjen e analizës së sjelljes, kryerjen e analizave statistikore-ekonomike për të gjithë shërbimet shëndetësore), dhe janë kërkuar të dhëna dhe informacione në mënyrë shkresore nga:
Spitalet Universitare, Spitalet Rajonale, Spitalet Bashkiake, Spitalet Private si dhe institucionet; Ministrisë së Shëndetësisë e Mbrojtjes Sociale dhe Fondit të Sigurimeve të Detyrueshme të Kujdesit Shëndetësor”-thuhet në njoftimin e Autoritetit të Konkurrencës
