1) Fillimet e futbollit të Quique Setién ishin në futbollin e plazhit, një sport në të cilin ai luajti me ekipin kombëtar.
2) Në Racing Santander, ai njihet si “El Maestro”, dhe është një nga idhujt e klubit për shkak të kohës së tij atje si lojtar. Ai luajti për 12 sezone në dy faza, dhe ishte gjithashtu trajneri i skuadrës Cantabrian në sezonin 2001/02, duke arritur promovimin në LaLiga.
3) Setién është trajneri i tretë kantabrian në historinë e Barçës, pas Enrique Orizaola (1961) dhe Laureano Ruiz (1976).
4) Setién u përball me Barçën 22 herë si lojtar, me rekord 5 fitore, 5 barazime dhe 12 humbje dhe kundër Barçës ai shënoi dy gola. Një herë në ndeshjen Barça v Logroñés (2-1, sezoni i ligës 1990/91) dhe gjithashtu në ndeshjen e La Ligës Racing/ Barça 1994/95 (5-0).
5) Si trajner, Setién ka luajtur shtatë herë kundër Barçës, me një rekord prej gjashtë humbjeve dhe një fitore. Kjo fitore ishte në Camp Nou, në La Liga gjatë sezonit 2018/19.
6) Si trajner, ai ka menaxhuar Racing Santander, Poli Ejido, Logroñés, Lugo, Las Palmas dhe Betis. Përveç kësaj, ai shërbeu si trajner edhe i Guinesë.
7) Në një nga vizitat e tij në Camp Nou, Sergio Busquets i dha një bluzë në të cilën kishte shkruar: “Për Quique me dashuri dhe admirim për mënyrën e të shikuarit në futboll. Gjithë të mirat”.
8) Setién ka trajnuar ish-lojtarët e Barçë-s; Bartra, Kaptoum, Tello, Sanabria, Araujo, Halilovic dhe Kevin-Prince Boateng, si dhe lojtarin aktual, Junior Firpo.
9) Trajneri i ri i Barçës ka vlerësuar gjithmonë Barcelonën dhe Leo Messin, të cilët i konsideron “një luks dhe lojtarin më të mirë në histori”. Herën e fundit kur Setién e bëri këtë gjë ishte pas një shfaqje magjike të Messi në Benito Villamarín.
10) Një nga pasionet e Quique Setién është shahu dhe ai ka luajtur kundër ish-kampionëve botërorë Anatoli Karpov dhe Gary Kasparov. /Fjala.al/
