Një gropë e madhe e hapur së fundmi përpiu një autobus me pasagjerë, ku 6 persona mbetën të vdekur dhe 16 të tjerë u plagosën.
Ngjarja e rëndë ka ndodhur në Kinën Qendrore, jashtë një spitali në Xining, kryeqyteti i provincës Qinghai.
Kamerat e sigurisë tregojnë një shpërthim në brendësi të gropës së hapur menjëherë pasi autobusi dhe kalimtarët përfunduan brenda saj.
Pamjet nga incidenti i fundit tregojnë momentin kur njerëzit duke pritur në një stacion autobusi detyrohen të ikin me vrap ndërsa toka nën autobus fillon të shpërthejë nga brenda.
Ndërkaq, një grup njerëzish mblidhen për të shpëtuar pasagjerët e autobusit.
Për hapjen e gropave në rrugët e Kinës shpesh fajësohen kompanitë e ndërtimit të rrugëve.
Në vitin 2018, 4 persona mbetën të vdekur pasi një gropë u hap në një trotuar të ngjeshur në qytetin Dazhou, në Kinën jug-perëndimore.
Po ashtu edhe në vitin vitin 2013, një incident i tillë shkaktoi pesë të vdekur në një zonë industriale në qytetin jugor të Shenzhen./Fjala.al/
