Do të ketë kontrolle kufijsh mbi tregtinë brenda Mbretërisë së Bashkuar në bazë të marrëveshjes Brexit të negociuar nga Boris Johnson, tha negociatori kryesor i BE.
BE konfirmon se do të ketë kontrolle kufitare brenda Britanisë së Madhe nën marrëveshjen e Brexit-it, duke kundërshtuar pretendimin e rremë të Boris Johnson i cili ishte shprehur se kontrolle kufitare nuk do të kishte pas daljes nga Evropa .
Michel Barnier konfirmoi se do të ketë kontrolle duke filluar nga Britania e deri në Irlandën veriore. Kjo do të bëhet në bazë të marrëveshjes që do të qeverisë daljen e Mbretërisë së Bashkuar nga BE.
Boris Johnson deklaroi disa herë gjatë fushatës zgjedhore të përgjithshme se nuk do të kishte kontroll në detin irlandez, por mesa duket nuk do të ndodhë kështu dhe opozita e akuzon atë për falsitet.
“Zbatimi i kësaj marrëveshjeje të nënshkruar në muajin nëntor, parashikon kontrolle në hyrje të ishullit të Irlandës”, tha zoti Barnier gjatë një seance të Parlamentit Evropian.
“Mezi pres bashkëpunim konstruktiv me autoritetet britanike për t’u siguruar që të gjitha dispozitat të respektohen dhe të bëhen funksionale.”
Analiza e brendshme e qeverisë, e dalë gjatë fushatës zgjedhore të përgjithshme, tha se do të ketë kontrolle të mallrave në të dy drejtimet midis dy pjesëve të Mbretërisë së Bashkuar.
Kjo analizë gjithashtu theksoi se do të ketë një ndikim shkatërrues në ekonominë e Irlandës Veriore dhe pretendoi se 98 përqind e bizneseve eksportuese të Irlandës Veriore do të “kishin të ngjarë të luftonin për të përballuar këto kosto” të deklaratave doganore dhe kontrolleve dokumentare dhe fizike mbi mallrat brenda Mbretërisë së Bashkuar./Fjala.al/Burimi: The Indipendent
