Tre persona mbetën të plagosur lehtë nga shpërthimi i një bombole gazi në një byrektore në Yzberisht.
Ngjarja ka ndodhur rreth orës 07:25 të mëngjesit të sotëm në rrugën “3 Dëshmorët”. “Rreth orës 07:25 në rrugën “3 dëshmorët” në një pikë që tregton prodhime brumi, ka shpërthyer një bombol.
Siç mund të shihet në video, shpërthimi ka qenë i fortë duke shkaktuar dëme të mëdha në biznes.
Grupi hetimor ndodhet në vendngjarje ku po vijon punën për sqarimin e mëtejshëm të rrethanave të ngjarjes ndërsa policia doli me një reagim zyrtar: Në rrugën “3 dëshmorët”, në një pikë që tregton prodhime brumi, ka shpërthyer një bombol gazi ku si pasojë është lënduar lehtë shtetasja K.S, bashkëpronarja e biznesit, si dhe dy punonjëset A. M dhe M. P.
Të lënduarit janë nisur drejt spitalit për të marrë ndihmën mjekësore, ndërkohë që ende nuk janë zbardhur shkaqet e shpërthimit. /Fjala.al/
