Interi së bashku me Juventus, Milan, Napolin, Lacion, Torino dhe Fiorentinën janë shtatë skuadrat që kanë arritur të kualifikohen në çerekfinalet e Kupës së Italisë.
Zikaltrit arritën që të kalonin në fazën tjetër duke fituar me rezultatin e thellë 4-1 ndaj Cagliarit në “San Siro”.
Ata arritën që të dominon të gjithë lojën dhe u duk se nuk e kishin aspak të vështirë që të merrnin fitoren ndaj kundërshtarëve.
Romelu Lukaku, ylli i zikaltërve arriti të shënonte pa u mbushur minuta, më saktësisht që në sekondën e 22-të të lojës golin e parë, e arrirë kjo nga moskujdesja e mbrojtjes së Cagliarit.
Ishte Borja Valero ai që dyfishoi shifrat në minutën e 22-të, duke shtuar shpresat e Interit dhe tronditur Cagliarin
Lukaku dukej se dinte si t’i kapte kundërshtarët në shartimet e fraksioneve, pasi dhe në fillim të pjesës së dytë të lojës ai arriti të shënonte sërish duke trefishuar rezultatin për skuadrone Interit.
Olivas ishte i vetmi që preku portën e zikaltërve duke e çuar rezultatin 3-1 vetëm pak minuta pas golit të Lukakut. Ndërsa, rezultati final u vendos me golin e e Ranochias i cili mbylli dhe pokerin e Interit.
Në çerekfinale Interi do ketë përballë skuadrën e Fiorentinës e cila arriti që të fitonte rezultatin 2-1 ndaj Atalantës.
Pothuajse të gjithë çiftet e çerekfinales janë formuar tashmë, nga ku shikohet se Napoli i Hysajt do të ketë përballë Lacion e Strakoshës, Milan do përballet me Torinon, ndërsa Juventus është duke pritur ndeshjen midis Parmës dhe Romës, që do të zhvillohet sot, për të mësuar kundërshtarin e tij të çerekfinale./Fjala.al/Katerina Tafa/
