Dy kushërinj janë arrestuar në Kurbin pasi janë kapur me armë e lëndë narkotike. Të arrestuarit J. (K). Rr., 49 vjeç dhe E. Rr., 20 vjeç, banues në fshatin Zhejë, Kurbin, mësohet se kanë qenë nën mbikqyerjen e policisë prej disa kohësh.
Sipas bluve në bazë të informacioneve të marra për këta dy persona, janë kryer kontrolle në banesën e J. Rr, ku u gjetën dhe sekuestruan një armë zjarri tip automatik, një sasi municioni luftarak, 22 metër fitil detonator zjarr-përcjellës dhe 15.5 kg lëndë narkotike kanabis.
Këta dy të arrestuar në bashkëpunim me njëri-tjetrin po kërkonin treg për të shitur lëndën narkotike.
Ata do të përballen me akuzat për veprat penale “Prodhimi dhe shitja e narkotikëve”, kryer në bashkëpunim!
Po ashtu për “Mbajtja pa leje dhe prodhimi i armëve shpërthyese dhe municionit” dhe “Prodhimi dhe mbajtja pa leje e armëve të gjahut dhe sportive”, në ngarkim të J. Rr!
Ndërsa për veprën penale “Prodhimi dhe shitja e narkotikëve ”, kryer në bashkëpunim, të riun E. Rr! /Fjala.al/
