Drejtori i Burgut të Peqinit, Emir Shpata i cili është shkarkuar nga detyra dy ditë më parë pas rastit me Dritan Dajtin, ka deklaruar se ky është një shkarkim i padrejtë.
Shpata është shprehur se për sa kohë ka qenë në drejtimit të këtij institucioni i është përmbajtur çdo lloj rregulli.
“Shkarkimi im ishte si rrufeja në qiell të hapur. Konkretisht ne sipas të gjithë rregullave kemi dërguar një të dënuar për vizitë në një spital, privat në Tiranë bashkë me disa të dënuar të tjerë sipas kërkesave institucionale.
Është drejtori i përgjithshëm ai që duhet të japë llogari pasi unë e kam njoftuar atë në lidhje me këtë dhe e kam lënë në përgjithësi të , ka thënë Shpata. “Dritan Dajtin e ka marrë grupi i gatshëm i drejtorisë së Përgjithshme dhe ka shkuar me të gjithë masat e sigurisë, është thjesht tekë e drejtorit të Përgjithshëm që e bëri mediatike këtë gjë dhe ja ka dërguar ministres shkresën për shkarkim. Pak ditë më parë Dritan Dajti, i dënuar për vrasjen e katër policëve në Durrës, u filmua teksa shoqërohej nga policia për vizitë tek një klinikë private në zonën e ish- Bllokut në Tiranë.
Pas këtyre pamjeve ministria e Drejtësisë shkarkoi nga detyra drejtorin e Burgjeve, drejtorin e Burgut të Peqinit, si dhe dy persona të tjerë. /Fjala.al/
