Është zyrtarizuar tashmë lajmi i bërë publik para një muaji nga Fjala.al, ku thuhej se ndeshja kryesore e javës së 19-të të Kategorisë Superiore, ajo midis Kukësit dhe Partizanit do të luhet në stadiumin “Air Albania”.
Pas derbit Tirana-Partizani dhe miqësores së yjeve, duket se dyert e stadiumit më të madh në vend do hapen për një tjetër ndeshje të rëndësishme.
Ky lajm është bërë zyrtar nga klubi verilindor përmes një postimi në faqen zyrtare në “Instagram”, ku thuhet se marrëveshja për zhvillimin e takimit me Partizanin, midis palëve dhe Federatës Shqiptare të Futbollit, në “Air Albania” është arrirë.
Kjo gjë po ndodh pasi në Kukës janë duke u kryer punime për stadiumin e ri dhe si duket verilindorët dëshirojnë që ta shfrytëzojnë takimin me kampionët aktual si një reklamë të mirë./Fjala.al/
