Tërmeti i 26 nëntorit la shumë banorë të Thumanës, Durrësit, Laçit, etj, të pastrehë. Një numër i madh personazhesh të njohur në Shqipëri u zotuan për strehimin e disa prej banorëve.
Një prej tyre ishte dhe Ardit Gjebrea, i cili siç tregoi edhe në një postim të fundit në Instagram, po vijon punën për të mbajtur fjalën e dhënë.
Nëpërmjet këtij postimi në Instagram, Gjebrea ka bërë me dije se gjithçka do të jetë transparente, ashtu sikurse do të ndiqen të gjitha procedurat sipas rregullit.
Gjatë vizitës së fundit në Bashkinë e Krujës, Arditi është siguruar që të respektohet afati 4 mujor për përfundimin e ndërtimit, si dhe çdo gjë të realizohet sipas anës ligjore.
“Kjo foto e bërë dje, është në bashkinë e Krujës, për të vijuar punën për 2 shtëpitë që do ndërtojmë në Thumanë. Nuk dua të ndërtoj shtëpi “partizançe”, por gjithçka me dokumenta të rregullta. Dhe as nuk dua të përfitoj sepse jam njeri publik dhe futem pa rradhë. Po të tjerët???!!! Pallatet kanë patur preçedencë! Por tashmë komisioni i verifikimeve brenda javës së ardhshme (që na vjen rradha) do japë OK që shtëpitë që kam marrë përsipër janë të pabanueshme dhe më pas do prishen. Ndërkohë projektet janë gati për të dy shtëpitë dhe pasi të merret leja nga Bashkia (më premtuan shumë shpejt) do fillojë ndërtimi i dy shtëpive të cilat siç kam premtuar, brenda 4 muajve do të përfundojnë”, shkruan Gjebrea në artikullin e tij.
