Pasagjerët i ka kapur paniku pas lajmërimit të pilotit i cili tha atyre se u kishte mbetur shumë pak karburant ndërsa avioni ishte akoma në ajër. Ngjarja ndodhi pasi dhjetëra fluturime të British Airways dhe Virgin ishin devijuar nga aeroporti “Heathrow” këtë mëngjes.
Gazetarja ,Anne Henry tha se fluturimi në Los Angeles ishte devijuar në Gatwick për shkak të mungesës së karburantit.
Ajo tha: “Ishte mjaft alarmante kur kapiteni njoftoi, ‘Zonja dhe zotërinj kemi naftë për pesë deri në dhjetë minuta”, kështu që mund të na duhet të devijojmë në Gatwick”.
“Ne kemi qenë në tokë për rreth një orë, por nuk na lejohej të ikinim.”- u shpreh ajo.
Një zëdhënës i linjës së avionëve tha: “Siguria e klientëve dhe ekuipazhit tonë është gjithmonë përparësia jonë kryesore, ne tani po bëjmë gjithçka mundemi për t’i sjellë klientët tanë në destinacionin e tyre përfundimtar sa më shpejt të jetë e mundur.
“Ne do të donim t’u kërkojmë falje klientëve tanë për problematikën në udhëtimin e tyre dhe t’i falënderojmë ata për durimin që treguan.”
Shumë pasagjerë postuan nëpër rrjete sociale rreth incidentit që ndodhi. Dikush prej tyre tha: “Jemi ende në tokë duke pritur që dikush të na informojë. Mesa duket tani kanë mbetur dy mundësi, të furnizohen me karburant ose të kthehemi me autobus.”
Pavarësisht situatës së krijuar më vonë u njoftua se tani skam ë probleme dhe mbërritjet funksionojnë shumë normalisht.
