Sulmuesi i Kombëtares Shqiptare të Futbollit, Rey Manaj ka mbërritur në qytetin e Barcelonës, ku do i nënshtrohet të gjitha vizitave mjekësore të nevojshme.
Manaj do të nënshkruaj me klubin e Barcelonës dhe lajmi ka disa javë që është bërë publike, mirëpo vizitat janë lënë për tani.
Megjithatë duhet theksuar se shqiptari do aktivizohet të Barcelona B dhe jo të klubi i parë i katalanasve. Mediet spanjolle raportojnë se blerja e tij nga skuadra e renditur në vendin e 15-të të La Liga 2, Albacete është përfundimtare.
Manaj ka arritur që të bëjë 11 paraqitje në këtë sezon dhe nga to ka shënuar vetëm tre herë, megjithatë përformanca e tij është pëlqyer shumë nga klubi i dytë i Barçës.
Kontrata midis klubit katalanas dhe Manajt do të jetë për një afat katër vjeçar, ndërsa rikujtojmë se më parë ai ka luajtur edhe për klubet e Interit, Pisas, Pescarës dhe Granadës./Fjala.al/
