Tifozët italianë janë të njohur për fyerjet dhe provokimet që bëjnë ndaj futbollistëve në Serinë A, por këtë radhë target ka qenë tekniku i Interit, Antonio Conte.
Mbështetësit e skuadrës së Lecces kanë sulmuar teknikun e Interit në ndeshjen e dy skuadrave ditën e sotme, e cila përfundoi me barazimin 1-1.
Ata kanë shpalosur banderola ku ofendonin trajnerin Conte, i cili rikujtojmë se e ka nisur karrierën te klubi i Lecces dhe ka luajtur me ta deri në vitin 1991 dhe me pas është transferuar për te skuadra e Juventusit, ku dhe mori famë si lojtar.
Tifozët janë nervozuar në këtë përballje të tij me skuadrën ku nisi karrierën dhe kanë nxjerrë dy banderola ku shkruajnë: “Konte, njeri pa identitet! Je m*ti i qytetit tonë!”.
Ndërkohë, nga ana e menaxherit nuk ka pasur asnjë reagim qoftë në ndeshje, por as më pas./Fjala.al/
