Të paktën pesë njerëz përfshirë një fëmijë, vdiqën në qytetin rus të Permit si pasojë e një incidenti në një hotel. Një tub ngrohje u thye duke shkaktuar djegie me pasojë vdekjen e 5 personave të cilët ishin akomoduar në një hotel të vogël.
Përveç të vdekurve një numër i madh personave janë shtruar në spital me djegie të rënda. Hoteli nuk kishte një dalje emergjente ndërsa tubi i ujit datonte që nga viti 1962.
Uji i nxehtë përdoret në dimër për të krijuar një sistem ngrohje duke furnizuar shtëpitë në Rusi dhe kur këto tubacione shpërthejnë, uji i nxehtë dhe avulli mund të shkaktojnë aksidente fatale.
Hetuesit kanë hapur një hetim penal për shërbimet e rrezikshme ndaj konsumatorëve./Fjala.al
