Oficerët e mbrojtjes civile në Singapor kaluan orë të tëra duke kërkuar trupin e një të moshuari i cili banonte në një shtëpi të mbushur me mbeturina.
Policia ishte lajmëruar nga fqinjët të cilët ishin ankuar se afër banesës së të moshuarit mbante erë të keqe.
Policët hapën derën kryesore me forcë dhe u shokuan kur panë se banesa ishte e tej mbushur me sende, i moshuari kishte koleksionuar ndër vite gazeta, revista, çadra, lodra, qese dhe çdo send që mund të shihet dhe në fotot e më poshtme.
Banesa e tej mbushur me sende ka sjellë vështirësi për gjetjen e trupit. Sipas autoriteteve i moshuari ka pasur një vdekje natyrale dhe shkak për erën e keqe është bërë trupi i cili kishte filluar të dekompozohej./Fjala.al
