Një kolumbian realizoi për të dytën herë rrëmbimin e tij për të mos u martuar. Bëhet fjalë për një shtetas nga një qytet jugor i cili në moshën 55-vjeçare gruaja me të cilën bashkëjetonte i kishte kërkuar martesë.
Një ditë para dasmës ai mundi të realizonte skenarin e famshëm të rrëmbimit, skenar që ia realizuan miqtë e tij. Ai iku në një shtëpi ku qëndroi për më shumë se 24 orë. Policia e gjithë Kolumbisë u ngrit në këmbë për të gjetur të “rrëmbyerin” dhe kur e gjetën i vunë prangat.
Mediat vendase tregojnë se miqtë e 55-vjeçarit informuan policinë në lidhje me rrëmbimin e tij të dyshuar në qytetin Pitalito, në jug të Kolumbisë, fundjavën e kaluar.
Ata thanë se dy burra të armatosur kishin rrëmbyen dhëndrin disa orë para dasmës së tij.
“Policia nisi një operacion që çoi në gjetjen e dhëndrit në një shtëpi që i përkiste një të afërmi”- tha zëdhënësi i policisë lokale.
“Miqtë që raportuan rrëmbimin thanë se kishin gënjyer dhe se donin të ndihmonin burrin, i cili nuk donte më të martohej”- raportoi e përditshmja kolumbiane ”El Tiempo”.
Ishte hera e dytë që burri kishte falsifikuar rrëmbimin e tij për të shmangur martesat. Ai tani mund të përballet me kallëzim penal. /Fjala.al/
