Trajneri i Pescarës, Daniele Sebastiani ka dhënë dorëheqjen pas përplasjes që ka pasur me mesfushorin e Kombëtares shqiptare Ledian Memushaj.
Tekniku i dy shqiptareve, Elhan Kastratit dhe Memushajt përmes një deklarate ka bërë me dije se është tërhequr nga stoli i Pescarës. Rikujtojmë se para disa ndeshjesh, menaxheri në fjalë dhe lojtari kanë pasur një zënkë verbale, pas një zëvendësimi që trajneri i kishte bërë pak minuta para përfundimit të lojës.
Vendimi i trajnerit, për ta ulur kapitenin e Pescarës në stol e ka acaruar shumë shqiptarin, duke bërë që të kërcënojë edhe me largim nga klubi. Është dashur ndërhyrja e presidentit të klubit që vlonjate të qetësohej dhe të bindej për qëndrimin e tij në skuadër.
Konflikti i trajnerit me kapitenin e skuadrës së Pescarës dhe kërcënimi i këtij të fundit për largim nga kjo gjë, ngre dyshimet se dorëheqja e menaxherit të klubit që luan për Serinë B të lidhet pikërisht me këtë çështje.
Në deklaratën e tij, Sebastiani ka shprehu mirënjohje ndaj anëtarëve të stafit të Pescarës,or nuk ka dhënë detaje të mëtejshme për shkaqet që e çuan të marrë këtë vendim.
“Me keqardhje njoftoj dorëheqjen time të panegociueshme nga pozicioni i trajnerit të Pescarës, duke theksuar se ngjyrat e këtij klubi për mua janë shumë të rëndësishme. Falenderoj shoqërinë që më dha mundësinë të drejtoj këtë ekip dhe një mirënjohje shkon për anëtarët e stafit”.-u shpreh Daniele Sebastiani./Fjala.al/
