Vetëm pas disa minutash në Korçë do të nisë ndeshja midis Skënderbeut dhe Partizanit, takim i vlefshëm për javën e 18-të të Superiores.
Kjo ndeshje starton në orën 17:00 dhe është shumë e rëndësishme për të dyja skuadrat, ku duhet theksuar se Partizani vjen tashmë me trajnerin e rikthyer pas disa kohësh, italianin Adolfo Sormani.
Partizani do fitoren e kësaj sfide për të kapur sërish vendin e parë dhe për të mbajtur titullin kampion edhe këtë sezon, ndërsa Skënderbeu nga ana tjetër ndodhet në vendin e tetë të kategorisë dhe duhet më çdo kusht që të mbrojë veten nga rrëzimi prej kategorisë kryesore të këtij sporti në vendin tonë.
Sormani ka vendosur që ta fillojë këtë ndeshje me Feratin titullar, që duhet theksuar se u afrua te “Demat” gjatë kësaj merkatoje, ndërsa në sulm është nxjerrë Solomon.
Ilir Daja nga ana tjetër ka zgjedhur si titullar Eni Imamin, i cili u largua nga Tirana për t’u bashkuar me korçarët.
Formacionet zyrtare:
Skënderbeu: Koliçi, Meksi, Dita, Pollozhani, Imami, Taipi, Elezi, Ndeki, Gripshi, Bregu, Krasniqi.
Partizani: Hoxha, Idrizaj, Bitri, Belica, Trashi, Broja, Telushi, Ferati, Bardhi, Çinari, Solomon./Fjala.al/Katerina Tafa/
