Boksieri shqiptar, David Cufaj, është arrestuar në Peru, pasi akuzohet për trafik droge. Shqiptari ka rënë në prangat e policisë së Perusë në 17 janar të këtij viti, ku iu gjet dhe sekuestrua drogë që shkonte në 174 milionë dollarë.
Lënda narkotike ishte e paketuar dhe kishte si destinacion Belgjikën. 27-vjeçari shqiptar u arrestua dhe më pas u dërgua në gjykatë, ndaj të cilit u dha vendimi me 17 vite burg.
Boksieri Cufaj është nga Kosova,por i rritur në Sarajevë. Ai merrej me sportin e boksit prej shumë kohësh dhe e ndërpreu vetëm para pak viteve,për të kaluar në Holandë e më pas në Peru, ku ra dhe në prangat e policisë./Fjala.al/
