Liverpool mund të cilësohet si skuadra më e drejtë në të gjithë Evropën, pasi është ekipi që ka shkaktuar më pak faulle se të gjithë në plot 35 liga të këtij kontinenti.
Djemtë e drejtuar nga trajneri gjerman Jurgen Klopp kanë bërë fillimin më të mirë të një sezoni në të gjithë historinë e Premierë Ligës, duke lënë pikë në vetëm një ndeshje.
Sipas Qendrës Ndërkombëtare për Studime Sportive, CIES, “Reds” janë statistikisht skuadra më e “drejtë” në Evropë.
Klubi anglez ka bërë vetëm 8.1 faullesh për ndeshje këtë sezon që është edhe statistika më e ulët në të gjitha kampionatet e futbollit në kontinent.
Megjithatë, Observatori i Futbollit thekson se: “kjo lidhet pjesërisht me stilin më pak të rreptë të gjyqtarëve në Premier Ligë”, të cilët japin 20.4 faulle për lojë në krahasim me një mesatare prej 27.2 faullesh në ligat e tjera të këtij sporti./Fjala.al/
