Instalimi i matësve të rinj të energjisë elektrike ka nisur në qarkun e Fierit. Në total janë rreth 6 mijë matësa për këtë qark. Operatori i Shpërndarjes së Energjisë Elektrike, në një reagim për mediat sqaron se:
“Në bazë të projektit të BB në qarkun e Fierit sikurse dhe në disa qarqe të vendit po instalohen matësit e rinj elektronikë. Në Fier janë përllogaritur 6 mijë matësa, ndërsa në Povelcë rreth 100.
Aktualisht janë vendosur rreth 4 mijë matësa në këtë qark.
Banorëve u është thënë se nuk do të ketë më matësa induktivë ndaj faturimi për periudhën e vendosjes së matësit do të jetë faturë referuese, e cila në muajt në vazhdim do të sistemohet nëse u është vendosur më shumë sesa kanë konsumuar realisht. Zyrtarisht në drejtorinë rajonale të OSHEE Fier nuk ka asnjë ankesë për mbifaturim”, mbyllet reagimi.
