Sot në orën 17:00 në stadiumin “Selman Stërmasi” do të luhet ndeshja e fundit e javës së 18-të të Kategorisë Superiore.
Dita e sotme do të vijë me dy ndeshje atë midis Luftëtarit dhe Kukësit në orën 14:00 në Gjirokastër dhe ndeshja e Tiranës me Bylisin.
Dje mbyllën javën gjashtë skuadra ku Vllaznia fitoi 2-0 ndaj Flamurtarit, Skënderbeu mori fitoren me përmbysje ndaj Partizanit në një ndeshje autogolash, ndërsa Laçi arriti që të merrte tre pikët në Durrës.
Nga rezultatet e deri më tanishme Superliga kryesohet nga Kukësi në vend të dytë ndodhet Bylisi, ndërsa në të tretin ndodhen me pikë të barabarta Laçi, Tirana, Partizani dhe Teuta, por nga këto skuadra vetëm bardheblutë e kryeqytetit kanë një ndeshje më pak.
Mirëpo ndeshjet e sotme mund të ndryshojnë çdo gjë, një trepikësh i Tiranës dhe humbja e Kukësit mund t’i kalojë bardheblutë në vend të parë me pikë të barabarta me verilindorët.
Një fitore e Kukësit do e mbante këtë skuadër sërish kryesuese të kategorisë dhe të paprekur, ndërsa fitorja e Bylisit dhe humbja e verilindore, do ndryshonte pozicionin e parë të Superligës.
Megjithatë për të parë rezultatet përfundimtare të kësaj jave na duhet të mbarojnë edhe dy ndeshjen e sotme./Fjala.al/Katerina Tafa/
