Një studim i ri ka arritur në përfundimin se uji në Mars ka qenë zanafilla nga e cila është krijuar jeta. Planeti Mars konsiderohet si një nga “shtëpitë e mundshme” për jetën e huaj në sistemin tonë diellor.
Studimet e mëparshme kanë treguar që planeti i kuq dikur ka qenë shtëpia e liqeneve me ujë të rrjedhshëm, por ende nuk ka ndonjë dëshmi që aty ka pasur jetë dikur.
Në përpjekje për të kuptuar se si mund të dukej Marsi i lashtë dhe nëse ishte i banuar, shkencëtarët janë përpjekur të kuptojnë kiminë e ujit që ka qenë në planet bilion vite më parë.
Ata e bëjnë këtë për të parë materialet e mbetura mbi planetin sot, të cilat mund të ofrojnë një të dhënë për mënyrën sesi ai dukej dikur.
Të dhënat e fundit të marra nga “Curiosity Nasa” në sipërfaqe tregojnë se uji që mendohet se dikur kishte mbuluar sipërfaqen e planetit, mund të kishte përbërësit e duhur për të mbështetur çdo jetë mikrobike që formohej në planet.
Studimi i ri analizoi sedimentet që duket se kishin mbetur në liqene në Kraterin Gale të Marsit. U zbulua që ato dukeshin se ishin formuar në prani të ujit të lëngshëm që kishte një pH të ngjashëm me atë në oqeanet e Tokës.
Kjo tregon që sipërfaqja e hershme e Marsit do të kishte qenë lloji i vendit që mund të kishte shërbyer si një shtëpi për jetën, si ajo në Tokë.
