Zëdhënësja e PD-së, Ina Zhupa deklaroi sot se Partia Demokratike është e gatshme që të futet në zgjedhje të parakohshme me Ramën kryeministër, por me kushtin që më parë të jetë miratuar reforma zgjedhore, pas së cilës Kryeministri mos ketë asnjë mundësi që të kap zgjedhjet.
Në një intervistë në “Nova Media”, Zhupa theksoi se nuk ka asnjë mënyrë tjetër për të ardhur në pushtet përveç se me votë.
“Fillimisht duhet që të demaskohet sistemi aktual zgjedhor. Nuk ka mënyrë tjetër për të ardhur në pushtet veçse me votën e lirë. Më këtë reformë duhet që të vendosim mekanizma që Rama të mos kapi zgjedhjet. Nuk është thelbi futemi në zgjedhje me Ramën kryeministër apo jo. Ne do të hyjmë në zgjedhje të parakohshme sapo të miratohet reforma zgjedhore. Nëse ka mekanizma që bllokojnë Ramën të kapi zgjedhjet, atëherë ne futemi në zgjedhje me Ramën kryeministër,” deklaroi ndër të tjera Zhupa.
E pyetur se si do të sillet PD-ja kur të vijë në pushtet më pushtetarët e sotëm që janë akuzuar për korrupsion dhe trafiqe, Zhupa tha e prerë së do t’i dërgojnë dosjet e tyre në SPAK dhe se do t’i ndjekin këmba këmbës. /Fjala.al
