Një grua kineze nga provinca Hubei dhe që përflitet se është e infektuar me coronavirus ka sjellë në jetë një fëmijë. Një video e cila po qarkullon në internet tregon momentet e para të lindjes së foshnjës.
Foshnja është marrë menjëherë në kujdesin e mjekëve duke u lënë mënjanë në një tjetër sallë për të konfirmuar nëse është ose jo e prekur me virus. Mjekët kanë qenë të gjithë me mjete mbrojtëse për të evituar ndonjë infektim të mundshëm.
Numri i vdekjeve nga virusi është rritur në 81, pasi provinca ishullore jugore e Hainan raportoi fatalitetin e saj të parë. Ishte një grua 80-vjeçare që vdiq nga virusi, familja e së cilës mbërriti nga Wuhan më 17 janar. Provinca Hubei, ku ndodhet Wuhan, ka patur 76 nga vdekjet e raportuara deri më tani.
Virusi po përhapet me shpejtësi pasi është shumë ngjitës, dhe një njeri i infektuar mund ta transmetojë te të tjerë edhe nëse nuk ka shfaqur ende simptoma.
Në fazat e para ky virus shkakton temperaturë të lartë, kollë dhe diare ndërsa kur situata përkeqësohet virusi shkakton pneumoni te pacientët. Shumë aeroporte në mbarë botën kanë marrë masa për parandalimin e virusit duke i kontrolluar udhëtarët që kanë temperaturë të lartë ose ndonjë simptomë tjetër që lidhet me coronavirusin./Fjala.al
https://twitter.com/globaltimesnews/status/1221252991300227072?ref_src=twsrc%5Etfw%7Ctwcamp%5Etweetembed%7Ctwterm%5E1221252991300227072&ref_url=https%3A%2F%2Ftelegrafi.com%2Fgruaja-e-infektuar-coronavirus-sjell-ne-jete-foshnjen-mjeket-qe-e-asistuan-kishin-veshur-rroba-mbrojtese%2F
