Tërmeti duket se nuk ka të ndalur në vendin tonë. Pas një lëkundje të ndodhur orëve të pasdites së djeshme një tjetër është dëgjuar në një nga zonat më të prekura nga ai i 26 nëntorit të vitit të kaluar.
Sipas të dhënave mësohet se jë tërmet me magnitudë 3.6 ballë ka rënë gjatë natës në vendin tonë. Ai ka rënë në fshatin Bubq të Fushë Krujës në orën 1.40 minuta pas mesnate në thellësinë 34 km.
Nuk ka raportime nëse tërmeti ka pasur pasoja, por kujtojmë se fshati Bubq tashmë është i goditur nga tërmeti dhe shumica e shtëpive janë të dëmtuara që nga 26 nëntori 2019.
Një pjesë e mirë e banorëve jetojnë në kontejnerë ose çadra në oborret e shtëpive të shkatërruara.
Kjo zonë është ndër më të prekurat dhe ndër më të anashkaluarat nga ana e autoriteteve shtetërore. Në atë zonë kanë hyrë vetëm njerëz që kanë investuar me aq sa kanë patur por asnjë e dhënë shtetërore nuk i ka kategorizuar se popullsi në situatë të vështirë pas tërmetit. n.k/Fjala.al/
