Më në fund është zgjuar policia e Tiranës dhe pas dhjetë ditësh nga rrëmbimi i Jak Prengës ka mundur të shkojë në vatrën e familjes Hajri të cilët janë të akuzuarit e drejtpërdrejtë për rrëmbimin e 17 janarit.
Sipas të dhënave Bajram Hajri, Olsi Turja dhe Elton Hajri janë vënë në pranga me urdhër të prokurorisë ndërkohë që në kërkim është Leonard Hajri dhe 7 të tjerë.
Ai u dyshua se u mbajt ne kompleksin Golden dhe sipas të dhënave policia nuk ka gjetur asnjë gjurmë të tijën aty.
Sipas të dhënave të pakta të policisë së shtetit, mësohet që ngjarja të ketë një prapaskenë pazaresh droge ndërkohë që nuk është bërë e mundur të gjendet ende se ku mbahet pengu.
Mbrëmë u fol se është në kërkim Altin Hajri, personi që në fakt ishte edhe më i përfoluri por ditën e sotme është folur për persona të tjerë.
Tashmë priten të dhëna të tjera në lidhje me rrëmbimin, ngjarjen e tmerrshme që policia e pati para syve dhe nuk e ndaloi dot! n.k/Fjala.al/
