Shqipëria “Kufiri i Europës”! Kështu e kanë titulluar reportazhin gazetarët e një prej televizioneve më të njohura italiane. Ata kanë në duar një raport sekret në të cilin janë të dokumentuar të gjitha lëvizjet e shqiptarëve në trafikun e të gjitha drogërave.
Por mbi të gjitha në lidhje me kultivimin e marijuanës. Ata vënë theksin në gënjeshtrat që bën policia shqiptare kur jep shifrat e rënies drastike. Sipas tyre fara vietnameze është kultivuar edhe në male.
Radio Televizioni Italian “RAI 3” në edicionin qendror të lajmeve të orës 19.00 të datës 27 janar 2020 i ka kushtuar vëmendje Shqipërisë me një kronikë speciale të realizuar nga gazetari Valerio Cataldi.
Shqipëria gjithnjë e më shumë në kthetrat e narkotrafikantëve. Ky vend në kufi me Italinë e Europën e në përpjekje për të hyrë në Bashkimin Europian, gjë që do t’i jepte një shpresë më shumë shoqërisë civile për të shpëtuar nga inkubi i kriminalitetit.
Sipas reportazhit të RAI 3 në Shqipëri është rikthyer prodhimi i kanabisit. Nga një vit më parë prodhimi ka pësuar një tregues në rritje me mbi 1200%.
E dëshmojnë fotografitë nga ajri e të përfshira në një raport sekret të Policisë i siguruar nga RAI 3. Janë gjetur mbi 100 mijë bimë kanabis të kultivuara në plantacione të vogla e të fshehura mes malesh. Janë bimë të ulëta të importuara nga Vietnami e të modifikuar gjenetikisht për të pasur një përqindje të lartë të përbërësve aktivë.
Ndryshe nga një vit më parë ku në Shqipëri u gjetën më pak se 1000 bimë kanabis të mbjella e siç deklaroi disa muaj më parë Drejtori i Policisë Kriminale shqiptare z. Tonin Vocaj, në vitin 2017, e sidomos në 2018, plantacionet e mbjella me marijuanë në Shqipëri u reduktuan drastikisht, të dhënat e raportit të siguruar nga RAI 3, i cili është ende sekret dëshmon një realitet krejt ndryshe.
Për Rai3 Prokurori Antimafia i Leçes, Giacomo Cataldi, shprehet se përmes trafiqeve të sasive të mëdha të marijuanës ku Shqipëria është një nga prodhueset më të mëdha, mafia shqiptare ka mundur të sigurojë një rezervë e një disponueshmëri të konsiderueshme parash që i ka lejuar të hyjnë me tituj të plotë në trafikun e kokainës e në afera të tjera kriminale. n.k/Fjala.al/
