Kjo e martë është shënuar nga një tërmet me një magnitudë 5.4 të shkallës Rihter.
Tërmeti ka shkundur vendin në orën 21:15 këtë mbrëmje.
Lëkundja sizmike ka sjellë dhe reagimin e IGJEUM , sipas të cilit thellësia e tërmetit ishte 7 kilometra me epiqëndër në veri të fshatit Bubq.
Tërmeti ka zgjatur disa sekonda dhe ka shkaktuar panik te njerëzit të cilët kanë dalë nga banesat.
Kjo është lëkundja më e fortë në vendin tonë pas tërmetit të 26 nëntorit me madhësi 6.4 ballë dhe që shkaktoi shumë dëme dhe 51 viktima.
