Një lajm i shumë pritur vjen nga shteti fqinj Greqia për sa i përket njohjes së lejeve të drejtimit. Ministri i Punëve të Jashtme, Gent Cakaj, ka bërë të ditur lajmin e mirë nëpërmjet një statusi në Faqen e tij zyrtare në Facebook:
Greqia ka njohur zyrtarisht lejet e drejtimit të shqiptarëve.
Atributet e kësaj arritjeje Cakaj ja drejton përpjekjeve të diplomacisë shqiptare, e cila sipas tij, bën ndërlidhjen e objektivave madhorë të politikës së jashtme me çështjet ditore të shtetasve shqiptare.
“Edhe një lajm i mirë për diplomacinë e Shqipërisë e veçanërisht shqiptarët që jetojnë në Greqi ☺️…
Parlamenti grek tashmë ka ratifikuar marrëveshjen për njohjen e ndërsjellë të lejeve të drejtimit mes Shqipërisë dhe Greqisë
?????!
Kjo marrëveshje lehtëson lëvizjen e shtetasëve grekë dhe shqiptarë, si dhe kursen kohën e tyre të vyer nga procedurat e zgjatura dhe paratë e shumta për paisjen me leje drejtimi ?!
Ratifikimi i kësaj marrëveshje është në frymën e përpjekjeve të diplomacisë shqiptare për të ndërlidhur objektivat madhorë të politikës së jashtme me çështjet ditore të shqiptarëve ?!”, shkruan Cakaj.
