Shkencëtarët që operojnë në Hong Kong kanë zhvilluar një vaksinë kundër coronavirusit por ajo do të jetë gati vetëm pas një viti. Lajmin e ka bërë të ditur profesori i sëmundjeve infektive në Universitetin e Hong Kongut, Yuen Kwok Yung.
“Ne kemi prodhuar tashmë vaksinën, por do të duhet një kohë e gjatë për të provuar”, tha Yuen Kwok Yung.
Sipas tij duheshin muaj për të testuar vaksinën te kafshët dhe një vit tjetër për të kryer prova klinike te njerëzit për t’u siguruar që funksiononte vërtet. Kjo është një kohë relativisht e gjatë pasi numri i personave të infektuar me coronavirus është shumëfishuar vetëm në 2 ditë.
Coronavirusi i 2019 ka tejkaluar numrin e të infektuarve me SARS në vitin 2003 pasi është më shumë ngjitës. Gjithashtu edhe disa shkencëtarë në SHBA janë duke garuar për të gjetur vaksinën kundër coronavirus./Fjala.al
