Alfred Peza, Sekretar për Marrëdhëniet me Mediat në PS, mohon ekzistencën e një skenari për zgjedhje të parakohshme parlamentare. Në emisionin “45 minuta” në Report Tv, Peza tha se PS nuk e ka një skenar të tillë dhe se zbatimi i reformës zgjedhore nuk mund të bëhet para 2021.
“Zgjedhjet e Përgjithshme, vetë liderët e opozitës kanë thënë pavarësisht se Reforma Zgjedhore e dakordësuar pritet të miratohet në parlament, nuk ka kohë fizike për ta implementuar deri në zgjedhjet e parakohshme. Ato do të bëhen në 2021 siç e parashikon Kushtetuta. Ne s’kemi një skenar për zgjedhje të parakohshme. Jemi mazhorancë e përgjegjshme”, tha Peza.
Për Pezën, moszhvillimi i zgjedhjeve të parakoshshme ka qenë edhe një kërkesë e artikuluar edhe nga liderët e opozitës.
