Gara midis dy personave të konsideruar si trajnerët më të mirë, Pep Guardiolës dhe Jurgen Klopp duket se nuk do të mbarojë asnjëherë.
Pas kualifikimit të Manchester City-t në finalen e Kupës së Ligës, trajneri katalanas ka thumbuar gjermanin e Liverpool.
“Citizenët” do të kenë përballë skuadrën e Aston Villa-s në finalen e 1 marsit, pasi arritën e të triumfonin në derbin me United me rezultatin 3-2.
Sipas Guardiolës ndeshja për këtë kupë duhet të luhet me një skuadër të fortë, ndonëse nga tifozeria ky trofe konsiderohet si i parëndësishëm.
“Njerëzit thonë se ne jemi të vetëkënaqur për atë çka kemi fituar. Ti nuk duhet ta diskreditosh kompeticionin më modest të sezonit, nëse nuk je në gjendje që të fitosh Premier Ligën tri herë radhazi. Kur fiton shumë, njerëzit thonë se ky turne nuk ka rëndësi. Por me mua kjo nuk ndodh. Nuk ka rëndësi, ne do të tentojmë ta fitojmë. Të luash në ‘Wembley’ me një skuadër historike si Aston Vila na bën shumë të lumtur që do të jemi atje”- këto fjalë katalanasi i ka thënë për teknikun e “Reds”, i cili në takimin e kthimit të Kupës FA vendosi të luante me ekipin U-23, madje në ndeshjen e 4 shkurtit nuk do jetë as vet në stol.
Skuadra e Pep Guardiolës vazhdon të jetë në garë për titullin thuajse të mbyllur në Premier Ligë (19 pikë pas Liverpulit), Kupën e Ligës, Kupën FA dhe Champions-in./Fjala.al/
