Tre shtetas, njëri ndër ta i mitur, kanë rënë në pranga nga policia e Durrësit. Mësohet se është ndaluar një tjetër i shpallur në kërkim kombëtar. Kështu u ndalua E.T., 38 vjeç, banues në Mëzez, Tiranë.
Për këtë shtetas Gjykata e Shkallës së Parë Durrës, ka vendosur masën e sigurisë “arrest me burg” për veprën penale “Vjedhja”.
Gjithashtu u arrestua në flagrancë A.Gj.,15 vjeç, banues në Durrës, pasi për motive të dobëta ka goditur me mjet prerës (thikë), shtetasin A.D., 15 vjeç, banues në Durrës, i cili ndodhet në spital nën kujdesin e mjekëve në gjendje të rëndë. Nuk dihet saktësisht ende se çfarë ka ndodhur mes dy të miturve, por policia bën me dije se po punohet intensivisht për të zbardhur ngjarjen e rëndë.
Nga ana tjetër në pranga ra edhe B.SH.,49 vjeç, banues në Durrës, pasi u konstatua nga shërbimet e policisë duke drejtuar mjetin në gjendje të dehur.
Materialet në ngarkim të shtetasve të sipërpërmendur i kaluan Prokurorisë së Rrethit Gjyqësor Durrës për veprën penale “Vjedhja”, “Plagosja e rëndë me dashje” dhe “Drejtimi i automjetit në mënyrë të pa rregullt”. n.k/Fjala.al/
