Vendimet e arbitrave në ndeshjen me Vllazninë, duket se kanë ngritur sërish acarimin e Presidentit të Bylisit, Besnik Kapllanajt
Në një komunikim me mediet pas mbarimit të ndeshjes së javës së 20 për Kategorinë Superiore, nga e cila skuadra e Ballshit mundi të merrte vetëm 1 pikë nga barazimi 2-2, Kapllanaj është shprehur se ka vetëm dy mënyra për ta zgjidhur këtë problem ose braktisja e kampionatit ose vetëgjyqësia.
“Ka dy rrugë: Ose të braktisim kampionatin, ose të bëjmë vetëgjyqësi. Na e zgjidhni juve, çfarë të bëjmë? Do të na detyroni dhe neve të pëlcasim, të na pëlcasë cipa. Dhe ne jemi njerëz, kur bëhet rrugë, si çdo njeri, jemi njerëz me gjak. Padrejtësi javë pas jave“,-u shpreh kreu i Bylisit.
Më tej ai ka shtuar se gabimet në vendimet e gjyqtarëve janë duke u bërë më shqetësuese nga ndeshja në ndeshje.
“Në fund të vitit të kaluar, kam pasur një bisedë në Federatë me Jarecin, pretendoja se na mungojnë 7 penallti, më tha janë 6. Tha u mbyll viti e të shkuara të harruara. Fillon viti e po shoh ndeshje pas ndeshje që gabohet ndaj nesh, nuk e di çfarë po ndodh po ne jemi të shqetësuar këtu“-tha Kapllanaj pas ndeshjes me Vllazninë./Fjala.al/
